Lizarran dagoen Haur eta Lehen Hezkuntzako ikastetxe publikoa da.

Eskola irekia, parte-hartzailea, komunikatiboa, inklusiboa, hurbilekoa… da, eta Hezkuntza Komunitatea osatzen duten eragileekin (ikasleak, irakasleak, familiak, udalak, Hezkuntza Saila) lan egiten du.

Hezkuntza integrala eskaintzen dugu, hau da, arlo akademikoa eta emozionala lantzen dira.

Metodologia berritzaile eta inklusiboak erabiltzen ditugu (proiektukako lana, solasaldi dialogikoak, talde interaktiboak, lankidetza-taldeak, irakaskuntza partekatua); horien bidez, balioetan oinarritutako hezkuntza, bizikidetza baketsua, elkartasuna, eskubide-berdintasuna, aukerak eta erantzukizunak sustatzen dira, hau guztia familiekin lankidetzan.

Balioetan oinarritutako hezkuntza lehenesten dugu: pertsonekiko eta ingurumenarekiko errespetua, tolerantzia, autonomia, elkartasuna, erantzukizuna, jarrera kritikoa, sormena, hezkidetza... Horrela, gizartean integratzeko beharrezkoak diren gizarte-trebetasunak eskuratzeko aukera bermatzen da.

Ikasle eleaniztunak: hizkuntzen ikaskuntza bultzatzen dugu, gure ikasleek hiru hizkuntza ikasteko aukera baitute (euskara, ingelesa, gaztelania).

Irakaskuntza-ikaskuntza prozesuan teknologia berriak erabiltzen ditugu.

Ikastetxea eta ikasleen hezkuntza-prozesua hobetzeko, etengabeko prestakuntzan dauden irakasle kualifikatuak ditugu.​